AS FILIGRANAS DA BIBLIOTECA

No ML quixemos este ano dar un pasiño máis na mellora e acondicionamento da nosa biblioteca. Creouse un espazo para xogos ademais do de lectura relaxada que xa existía desde o curso pasado.

Pero o máis novidoso foi a sinalización do espazo que corresponde a cada unha das materias para poder atopar o que se busca de maneira rápida e cómoda. Foi un proxecto moi traballado con ilusión polo alumnado do centro e que xurdiu dende o departamento de Educación Plástica e Audiovisual a petición da coordinadora do equipo da biblioteca: a técnica chámase “filigranas” e o resultado é espectacular, como se aprecia nas fotografías.

Queremos agradecer especialmente a dúas alumnas de 4º, Laura García Pastoriza e Alba Sanmartín Carregal a súa dedicación e implicación neste proxecto,  e resaltar que este magnífico traballo é froito da colaboración dos diferentes departamentos do noso centro. Aquí podedes observar cada un dos carteis con detalle.